juni ´24

"Framsýning á Nordatlantisk Hus í Odense 🇩🇰"

Í døgunum frá 6. juni til og við 7. oktober sýnir Eg fram í Nordatlantisk Hus í Odense.

Framsýningin hevur heitið ”I naturen, af naturen” og umfatar ymiska grafikk tøknir so sum monotypi,

collografi og serigrafi.

Síggj myndir frá ferniseringini her: MYNDIR FRÁ FERNISERINGINI 6.JUNI

.

______________________________________

des ´23

"Opið Atelier"

Eins og undanfarnu ár standa dyrnar aftur opnar á atelierinum ávísar dagar fyri jól.

Eg bjóði kaffi/te, piparnøtur og karamellir.

Eg havi leita og sett bæði nýggj og eldri verk fram til tey vitjandi at síggja.

OPIÐ ER;
Hósdagin 7. desembur frá kl 11.00 til 18.00
Fríggjadagin 8. desembur frá kl 11.00 til 18.00
Hósdagin 14. desembur frá kl 11.00 til 16.00
Fríggjadagin 15. desembur frá kl 11.00 til 18.00

Tú ert hjartaliga vælkomin at bjóða øðrum við

Vinarliga
Edith Mørkøre

______________________________________

des ´23

"Framsýning í Smiðjuni í Lítluvík fyrista vikuskiftið í desembur"

Í døgunum frá 1. til og við 5. desembur sýni eg fram í Smiðjuni í Lítluvík. Framsýningin hevur heitið ”Manna Millum”.

Fernisering verður fríggjadagin 1. desembur kl. 16.00

• Tá greiði eg frá framsýningini, Marius Ziska hevur tónleikaframførslu og borðreitt verður við góðum til góman.

Øll eru vælkomin…

Framsýningin fevnir um málningalist, har arbeitt hevur við kompositiónum har eg loyvi impressionismuni at blíva ekspressionisma.

Hettar sæst aftur í strukturum og formum í akryl, har fólk sýnast at trína inn, fjara út ella møtast á løriftsyvirflatuni.

Í loftsrúminum í Smiðjuni hevur grafikkurin eisini fingið sítt pláss.

______________________________________

juni´23

"Grafikkur á heimasíðuni"

Nú er eisini eitt úrvæl av grafikkverkum at síggja á heimasíðuni.

______________________________________

des ´22

"GLØGG Á ATELIERINUM"

Eins og undanfarnu ár standa dyrnar aftur opnar á atelierinum ávísar dagar vikuna fyri jól.

Eg bjóði gløgg, mandarinir, piparnøtur og karamellir.

Eg havi leita og sett bæði nýggj og eldri verk fram til tey vitjandi at síggja.

Talan er um:Sunnudagin 18. desembur frá kl 14.00 til 18.00
Týsdagin 20. desembur frá kl 14.00 til 18.00
Hósdagin 22. desembur frá kl 14.00 til 18.00

Tú ert hjartaliga vælkomin at bjóða øðrum við

Vinarliga
Edith Mørkøre

______________________________________

nov´22

Málningaframsýning í Smiðjuni í Lítluvík í desembur 2022

Í løtuni leggji eg allar seinastu hond á verkini til framsýningina “Eygleiðingar” í Smiðjuni í Lítluvík 2. til 6. desembur.

Ferniseringin er fríggjadagin 2. desembur kl. 16.00 og øll eru vælkomin...
* Eg greiði frá evninum og tilgongdini í sambandi við framsýningina.
* Lena hevur tónleikaframførslu.
* Borðreitt verður við góðum til góman.

Um framsýningina:
“Eygleiðingar úr mínum “dagliga lívi” her heima í Føroyum - og higani út í heim.
Heimurin sær annarleiðis út í dag, í mun til fyri stuttari tíð síðani. Broytingar og ósvaraðir spurningar standa fyri framman, bæði fyri tann einstaka og fyri fjøldina. Hetta fær meg at seta spurningar, endurspegla støður og leita fram til loysnir. Tað er tað, sum hevur givið íblástur til myndaevnini á hesari framsýningini”

Opið er í soleiðis í Smiðjuni í Lítluvík um vikuskiftið:
Fríggjadagin 2. des frá kl. 16.00 til kl. 19.00
Leygardagin 3. des frá kl. 12.00 til kl. 18.00
Sunnudagin 4. des frá kl. 14.00 til kl. 18.00
Mánadagin 5. des og týsdagin 6. des frá kl. 12.00 til kl. 18.00

______________________________________

14/1´21

Hátrýst - Grafikkur í Smiðjuni frá 19. til 23. feb 2021

Eitt hátrýst legst yvir Smiðjuna nú tær fimm, Asla Rannvá Svensson, Edith Mørkøre, Gyðja Hjalmarsdóttir Didriksen, Rakel Helmsdal og Rikke Bak lata upp framsýninga "HáTrýsT", ið vísir grafiska list í øllum sínum fjølbroytni.

______________________________________

1/10´20

Ein spennandi uppgáva.

Her eru nakrar myndir av tveimum verkum eg havi arbeitt uppá í eina tíð nú. Nú eru verkini komin upp at hanga hjá eigaranum . . .

Løriftini havi eg spent upp eftir sermáti og passa tey tí sera væl í hettar høga trappuhornið . . .

Eg eri væl nøgd og eigarin glaður:-)

Gott at eiga ein mann sum ikki ræðist hæddir ;-)

______________________________________

10/8´20

Corona´Ólavsvøkan 2020

Her eru nakrar myndir frá tiltakinum Inni á Gøtu, har eg og maðurin høvdu "Opið Atelier & Studio", eitt væl eydna tiltak við nógvum vitjandi...

______________________________________

21/3´20

Afturlit

Hettar kom eg fram á, nú eg í Corona-tíðini havi haft tíð at hyggja ígjøgnum eldri tilfar og myndir . . .

Hettar er frá ymiskum framsýningum í tíðarskeiðnum frá 2005 til 2010.

Hvar fór tíðin . . .

______________________________________

16/11´19

Framsýningin í Ribarhúsi´19

Her eru nakrar myndir frá framsýningini í Ribarhúsi okt-nov 2019

______________________________________

Oktober´19

NÓN vitjar framsýningina

Hoyr samrøðuna við Gunnar Nolsøe KVF, í samband við ferniseringina í Ribarhúsi:

Byrjar 23.50” inn í sendingina...

______________________________________

16/6´18

Framsýningin í Myndlist

Her eru nakrar myndir frá framsýningini "Litbrigdi lívsins" í Myndlist í mai 2018

______________________________________